Kalay Thawnginn Sungah Buainak A Suak Ih Ralhrang In Thawngtla 7 An Kap That, CNDF Paralṭha Ih Nunnak Liam

Ralhrang pawlin Kalaymyo thawnginn sungih thawngtla 7 cu an tlansuak tum ruangah an kap that thu March 15 ah thuthang an suah. An kahthatmi lakah Falam khuami Salai Shalom Siang Thang Lian@Van Dam (kum 28) khal a telve, Salai Shalom hi ralhrang in thuneihnak an lak pekte ah lamzawhnak ih hruaitu pakhat a si ih rinsanmi mino khal a si.

Cumi hnuah hriamkai in ralhrang pawl a do ih CNDF in a lut. Chin National Organization in, “Suunnak Capi (5/2022) Chin National Defense Force (CNDF) ralkap, paralṭha Salai Shalom Siang Thang Lian @Van Dam (kum 28)cu March 15, 2022 ni ah amah ih tiamkamnak a tuah vekin ram le miphun hrangah a nunnak a hlan a si” tin an tarlang.

Ralhrang pawl thuthang ah, “Thawngtla Van Dam ih hruaimi mipum 50 hrawngin thawnginn ṭuanvo neitu cu an kaihrem ih tlansuah an tum” tin an kahthatmi tuksumza zuk pawl thawn an tarlang. Asinan, ralhrawng pawl ih thuthang hi a dik lo, tlansuah an tum lo.

Thawnginn ṭuanvo neitu palik thawn an hmuaw thiam lo, remawk lonak aum ruangah ralhrang pawlin an kap that. An kahthatmi pawl hi PDF pawl an si, thawngtla mithi le hliamtuar 30 hrawng an um. Tu’ah ralhrang pawlin thawngtla pawl cu an vuakvel tin Khit Thit Media ah an tarlang ih ralhrang pawlin thuthang diklo an suah thu an pholang.

Be the first to comment

Leave a Reply

Your email address will not be published.


*