Kalaymyo အ.ထ.က (၆) Tlawnginn Kiangah Bomb A Puak Ih Ralkap 2 Hliam An Tuar

Kalaymyo အ.ထ.က (၆) tlawnginn phardawl kiangah bomb a puak ih ralkap 2 hliam an tuar. Sagaing Division, Kalemyo, Aung Zay vengsung ih um အ.ထ.က (၆) tlawnginn ah cozah hnaṭuan CDM tuah lo minung 30 hrawng an um.

CDM tuah lo tambik umnak tlawnginn a si. May 24 zinglam nazi 9:30 hrawngah bomb a puak ih a kiangih um ralkap 2 hliam an tuar.

Bomb a puak hnuah ralkap pawlin meithal an hmetpuak ciamco tin vengsung mipi pawlin an rel. Zo an kap ti cu theih a si lo.

Tlawnginn kiangkap ah ralkap le palik an um khat thluh zo ih thilthleng dan pawl an zingzoi rero lai. Zo in bomb an kam ih an ti puak ti cu theih a si hrih lo.

Be the first to comment

Leave a Reply

Your email address will not be published.


*