Kalaymyo, University of Computer Science ih CDM tuah sayama Daw Aye Aung le a pasal Ko Kyaw Soe Htwe cu April 26 zan ah ralhrang pawlin an inn ah an va kai.
A pasal Ko Kyaw Soe Htwe cu lamzawhnak ih a tel ṭheu ruangah an kai, an innsung thilri bungrua pawl khal an siatsuah sak ih an duhmi thil an laksak.
Kalaymyo lamzawhnak ih teltu pawl cu nithum sungah kaih thluh an tum, an kai ngah lo asilen an inn an kalhsak ding thu an phuang. Ralhrang pawlin Kalaymyo lamzawhnak ih teltu pawl cu kai dingin an hawl rero lai nan lamzawhnak cu cawlhsan an tum cuang lo.
Dothlennak ah nehnak an co hlanlo lamzawhnak an nei vivo tum. Ralhrang in ramsung thuneihnak an lak hnu ihsin Kalaymyo ramsung ah nitinten lamzawhnak an nei ringring, April 27 sun ah lamzawhnak hi avei 444-nak an nei thei.
Leave a Reply