Inn 12 Le Biakinn Pakhat Leiram Cu Ralhrang In An Lonsak

Kalaymyo ramsung, ChanMyaeAungSii vengsung, nemi 4 ih um 12 le biakinn pakhat umnak leiram cu ralkap leiram tin hmun dangah thawn’aw thluh dingin ralhrang pawlin an theihter.

December 26, 2021 hi netabik a si ih cumi ih an thawn’aw lo asilen daan vekin an cangvai ding thu an theihter. NLD cozah lai khalah ralhrang in hitawk ih um pawl cu ralkap leiram sungih um tin taza an rak cuai zo nan court ah mipi lamin nehnak an co ruangah an um vivo thei.

Inn neitu pakhat in, “Hitawk ah kum 8 sung kan um zo. Ahlan cozah lai khalah taza in rak cuai zo nan court ah nehnak kan co, tu’ahcun thawn’aw thluh dingin theihternak ca kan dawng” a ti. Ralhrang pawlin December 13 ihsin December 26 sungah thawn’aw thluh dingin December 17 sun ah cakuat an pe.

Tualsung mi pakhat in, “Tuvek boruak ah thawnawk lo khal a ngah lo, hmun dangah an thawn’aw rero zo. Tuvek boruak lakih thawnawk cu harsatnak phunphun kan tong, kannih khal sungkhat hmuan sungah kan va um” a ti. Inn 12 lakah pahnih cu hmun lawng a si, Seven Day biakinn cu an sak theh pekte mi a si.

Be the first to comment

Leave a Reply

Your email address will not be published.


*