Kalaymyo Ah Minung Pakhat An That Ih A Taksa An Sat Tan Thluh Hnuah Lamzin Ah An Hlon Darh

Februay 20, 2022 zinglam ah Kalaymyo lamzin ah rapthlak zetin mithi ruak an hlon ih a kiangah “Ralkap Thein Zaw” a si tin cahnah ah an ngan ih “Dalan le ralhrang” pawl ralring peknak tin an tarlang. Tualsung mipi pawlin “Ralhrang pawl ih cangvaihnak a si ih PDF hmin an siatter tum” an ti.

Tualsung mi pakhat in, “Tuizing ah Kalaymyo, Taungtha kauhkung fehnak lamzin lilawn parah mithi ruak an rak hlon. A lu, a kut pahnih le a kut pahnih cu an sat tan ih lamzin ah an hlon darh, mithi cu ralkap Thein Zaw tin an ngan. Tutiang ahcun zohman in an thianfai hrih lo, ralkap le palik pawl khal an ra lo. Mithi ruak cu hitin an ret men” a ti.

Kalaymyo ih tlawng saya pakhat in, “Kalaymyo ramsung ah ralkap le palik pawlin an duhduh mi an kai rero, rapthlak zetzet in mi an that. Kalaymyo ramsung ah daan le dun khal aum nawn lo, tu’khalah mi an that ih a sinak thuhla cu an hlonhlo tum. An that ngaingai maw ti khal kan thei lo, diklo zetin mino pawl an kai áš­heu” a ti.

Media pawlin an zingzoi rero hnuah mithi cu CDM tuah ralkap Thein Zaw a si ti an theifiang, CDM a tuah ruangah ralhrang pawlin an kai ih an that hnuah PDF pawl ih cangvaihnak vekin an langter tum ti theihfiang a si.

Be the first to comment

Leave a Reply

Your email address will not be published.


*