Kalaymyo Ah Nau Nei Zikte Naupai Motor In Pah That

Kalaymyo, SanMyo vengsung ah motor in naupai lai a pah that. Naupai Daw Lon Bwe cu ဘူတာလမ်းခွဲ kiangih um a si, a naupai cu thla 9 a kim zo ih nau a nei zik te thlang.

June 14 zanlam ah Daw Lon Bwe (ဒေါ်လွန်ဘွေ) le a nu cu naute thilri pawl lei dingin an va bazar, an tlunglam ah a nu cu an inn ah a thlah ta.

Cutin, amah lawngin bike thawn a tlung lamah motor in a pah, siizung ah an tlanpi hngal ih siizung an thleng tik ahcun a pum sungih um naute cu arak thi zo.

A pumsung ih naute cu an atsuak ih cumi hnu reilote ah Daw Lon Bwe cu a thi. An fate hmaisabik ding a si ih, nau neih ding caan cu an hngakhlap zet laiah hi thil an tong cu a poi tuk. Naupai pah thattu motor cu a tlanhlo ih tutiang an kai ngah hrih lo.

Be the first to comment

Leave a Reply

Your email address will not be published.


*