Kalaymyo Ah Oxygen An Daihawk Lonak Pakhat Cu >>>

Covid-19 natsia in Myanmar ramsung a nuai ciamco ruangah mipi cu thlaphang in an um thluh, cutik ah ṭhenkhat cu oxygen ṭullo in an rak leikhawl cia ruangah damlo bese zetzet pawlin oxygen an haidaih aw nawn lo ih an thih phah.

Myanmar model hminthang Thin Thin in “Damlo pawl zawnruat in nan ṭul hrih lo ahcun oxygen rak lei khawlcia hlah uh” a ti. Model Thin Thin cu mibawmtu pawlkom hnenah oxygen a hlu ṭheu.

“Oxygen ṭul poimawh pawl lawngin lei hram seh. Tuvek caan ahcun oxygen ṭul hrih lo cun rak lei khawlcia hram hlah uh, nan ṭul poimawh tikah cun in phone thei ringring. Oxygen thuhla ahcun ziangvek dinhmun ih ka rak um asikhallen ka thei dandan in ka rak lo bawm ding. Ka phone number 09445806215…” tin a tarlang.

Kalaymyo ah oxygen an haidaih awklonak pakhat khal Pu San Thawm Thang in “Ruat ṭhat a tul (Oxygen): Tulai Kalaymyo ah damlo in Oxygen kan daihawk lonak pakhat cu kawhhran thenkhat le bulpak neinung ti aw deuh pawl in ralrinnak ah tin tamtuk an la thenkhat in damlo mangbang in an dil hman ah an mai kawhhran lo cu an pe siang lo.

Himi hi ruah ṭhat a ṭul nasa hi tivek ih hamtam tuk ih kan um ruangah damlo mangbang in an ṭul mizat Oxygen an ngah lo phah a si. Tuvek ih ramleng tiang in nasa ten nunnak in run ding ih an neih sin lo tiang in pek laiah zokhal anih sawn ti thinlung nei in kan um a ṭul . Ṭhaten ruat uh si law” tn a facebook cahmai ah a tarlang.

Be the first to comment

Leave a Reply

Your email address will not be published.


*