Kalaymyo Ah Palik Covid-19 Damlo Cu Inn Par Ihsin A Dawp That

Kalaymyo, Kawlkulh ih Covid-19 positive center ih um palik Covid-19 damlo cu zuri aa in building par ihsin a dawp that. June 26 zinglam nazi 11:00 hrawngah inndot thumnak ihsin a dawp, a dawp hnuah nazi hrek hrawng cu a áš­ong thei lai.

Kum 30 mi a si ih a hmin cu Thein Than Oo a si. Volunteer pakhat in ” Special police officer a si, zuri aa ruangah a si. Sangkate kiangah aum ringring ih midang an va lut zik ih ‘ra lut hlah uh, building par ihsin ka dawp ding a ti hnuah a dawp hngal.

Building hnuai ih an retmi bike parah ava tla, ziangtin hman aum lo lawk ih a lu ah hliamhma a tuar. Asinan, sun nazi 12:00 hrawngah a thi” a ti.

Covid-19 positive center ih aumnak cu zarkhat lawng a si lai, Kalaymyo cozah siizungpi ih fehpi an tum laiah a lu hliamhma tuar loin a thi. Tuisun June 26 nikhat lawngah Kalaymyo ah mithi 22 an um, Kalaymyo ramsung ah Covid-19 in mithi 100 hrawng an um zo.

Be the first to comment

Leave a Reply

Your email address will not be published.


*