Kalaymyo Ah PDF Sakhan Sim Dingih Poksuak Ralhrang Pawl Cu Bomb In An Rak Puah Ih Ralhrang 10 An Thi >>>

Ralhrang pawlin Kalaymyo ramsung Leichar khua le Shadaw khua cu an urkang. Cumi hnuah Ranger-Kalay Defend Force sakhan la dingin December 3, 2021 zingah an poksuak, zing nazi 8:30 hrawngah mipi kilhimtu pawlin bomb in an rak puah ih a hmun ah ralhrang 3 an thi cih.

Hliamtuar khal tam zet an um ih simlam ah hliamtuar ralhrang 7 an thi bet thu Ranger Kalay in an phuang. Hliamtuar hnuih thi ralhrang ruak 7 cu December 3 zan nazi 10:00 hrawngah kethum nei bike thawn an phur ih Thar Toe Cemetery thlanmual ah ralhrang pawlin an phum.

Himi bomb puak ruangah ralhrang hliamtuar bese zetzet 23 an um laiih į¹­henkhat cu an thi zik te. Ranger-Kalay Defend Force sakhan la dingin ralhrang 120 hrawng an poksuak, dalan in lamzin a hruai ih PDF sakhan cu lak an tum.

Asinan Ranger Kalay in thuthang an rak theithup ih lamzin ah bomb an rak kamcia mi a si. Ranger Kalay ah kaih tong, hliamtuar le mithi an um lo ih himdamten an kirsal.

Be the first to comment

Leave a Reply

Your email address will not be published.


*