Kalaymyo Ah Phungyi An That

Kalaymyo, Aung Yadanar School (Sanda School) Eight Faces Pagoda sungah phungyi pakhat cu zo ti theih loin an that. Mizan October 20 zan ah amahten thlacamnak le thusamnak anei rero.

Tlawnginn sungih um phungyi dang pawl cu thlabial zan Full Moon an lawm ih meisa vannak puai ah an va tel thluh. Zan nazi 8:00 ah an va kirsal ih Sayadaw U Payinda khal thusam in arak to lai.

A to ṭheunak an phardawl kiangte ah a to ih thlacamnak le thusamnak anei rero. Zan nazi 10:00 hrawngah phungyi pakhat in mi authawm a thei ih ava zoh cu thihnai lakih it Sayadaw cu a hmu, siizung ah an tlanpi hngal nan lamlak ah a hnukcat.

Sayadaw U Payinda hi phungyi upa a si ih phungyi tlawnginn ah phun 9 le phun 10 zirhtu a si. Cun ramkhel thuhla ah a tel dah lo an ti. An zumdan cun tualthattu in an phardawl hi a kaiso ih nam in a sat that si ding an ti. Sayadaw U Payinda thattu cu zo a si ti an thei hrih lo ih an zingzoi rero lai.

Be the first to comment

Leave a Reply

Your email address will not be published.


*