Kalaymyo Ah Ralhrang Ih Kaihmi A Phuangawk Ruangah Minung 70 Lenglo An Kai

Kalaymyo, Chna Myae Aung Si veng, nemi (12) ih um tlangval Chit Min Khant cu July 28, 2022 zinglam ah ralhrang pawlin an kai. Chit Min Khant in raltlan bawmnak le dothlennak hrangah phone aungbali a zuar áš­heu.

Aungbali leitu le amah thawn pehtlaih awtu pawl cu ralhrang pawlin an kai vivo ih July 29 ahcun minung 70 lenglo an kai zo. Tualsung mi pakhat in, “An kaihmi tlangval hi hmeltheih nei tam zet a si. Nyaung Pintha vengsung ah ralkap le palik pawlin check-up nak an nei vivo, innkhat hnu innkhat mi an kai.

An kaihmi pa cu motor sungah a um ih bike lukhuh a khum, amah thawn pehtlaih awtu pawl ih umnak a sim vivo. Amah thawn pehtlaih awtu le a hnenih aungbali leitu pawl cu fimkhur zetin relh sung uh” a ti.

An kaihmi lakah amah thawn pehtlaihnak neilo khal an tel, an kaihmi pawl cu Kalaymyo ralkap sakhan ah thu an sut rero lai. Tualsung mipi pawl ih reldan ah Chit Min Khant ih pate cu ralhrang sungtel a si, a nute khal thuáš­hentu lawyer a si’ an ti.

Be the first to comment

Leave a Reply

Your email address will not be published.


*