Kalaymyo, Aung Thitsar vengsung ih um mino pakhat cu ralhrang pawlin kaih an tum ih an kaih ngah lo ruangah hringtu a pa kum 40 mi U Maung Toe sawn an kai ih nithum hnuah a thih thu theih a si.
June 24 sun ah ralhrang pawlin a fapa hi kai dingin an inn ah an va lutchilh nan a fapa cu an hmu lo, curuangah a pa cu an hruaisuak.
Vengsung mi pakhat in, “A fapa kaih an tum ih an hmu lo ruangah a pa sawn an kai. Ziangruangah an kai ti kan theifiang lo” a ti. June 27 sun ah ralhrang pawlin U Maung Toe a thih thu cu a innsang pawl hnenah an sim thei ih a ruak ra la uh an ti. A ruak khal an va la fel zo.
Ralhrang in ramsung thuneihnak an lak hnu ihsin June 27, 2022 tiangah Kalaymyo ah ralhrang pawl ih kaihmi khuasung mi 7 cu thusutnak hmunpi ah an thi.
Leave a Reply