Kalaymyo Ah Ralhrang Pawlin An Naule Hnenah Bike 120 An Pe, Mipi Ta An Lonsak Mi A Si Ding

Kalaymyo ah ralhrang pawlin an naule hnenah bike 120 an pe, bike pawl cu daan loin mipi ta an lonsak mi a si ding ti tualsung mipi pawlin an zum. An naule pawl cu mipi ralkap (ပြည်သူ့စစ်) tin an ko. August 19, 2022 sun ah Aung San Hall ah tonawknak ah an nei ih bike 120 cu an pe.

Tualsung mi pakhat in, “Ralhrang pawlin anmai sumpai budget cem cun an pe zik lo. Diklo zetin mipi bike an laksak mi pawl a si ding, dik zetin bike cu an pe zik lo” a ti.

Ralhrang pawlin an pek mi bike pawl cu 125, 110 bike pawl a si ih Kalaymyo ramsung ih an hmang nasa zet mi bike pawl an si. Ralhrang in ramsung thuneihnak an lak hnuah Kalaymyo ramsung ah bike hlo tam zet aum, suamhmang pawlin sun laifang khalah bike an ru ṭheu.

August thla thok khalah bike mawng lai nupa tuakkhat cu meithal keng pawlin an hringhro ih an bike an lonsak, cumi kiangkap ah ralhrang le an naule pawl an tlangleng ṭheu. Ralhrang in an naule hnenah bike 120 an pek ruangah Kalaymyo ramsung ah an cangvai nasa sinsin ding ti an phang.

Be the first to comment

Leave a Reply

Your email address will not be published.


*