Kalaymyo peng, Nat Chuang raltlan pawl umnak hmun cu thlisia le ruahpi in an nuai ciamco. Tuisun May 17, 2022 sun nazi 2:30 hrawngah thlisia in raltlan pawl umnak camp cu a nuai siat. Thingkung tumpi a kiak ih raltlan umnak thlamte pakhat a nen ngah, thlam sungih um nunau nauhak kum 14 mi cu thingkung in a nen that.
Nat Chaung khua upa pakhat in, “Nauhak nute cu raltlan camp ih um a si. An umnak thlam dunglam ah thingkung tumpi aum, thingkung cu a tlu ih an umnak thlam a nen. Nauhak nute ih nunnak a liam” a ti.
Thlam sungah a unu thawn an um, a unu khal thingkung in a nen nan a thi lo. Hliamhma a tuar nan a nunnak cu seherh um a si lo. Ṭuanvo neitu in, “Raltlan camp sungah siivai lam ṭuanvo latu pawl an um ko nan hliamhma tuamhlawmnak ding thilri, siivai aum lo ruangah a nunnak kan runsuak man lo.
Vanduainak a ton veten siizung lam tlanpitnak ding motor khal aum lo ruangah Ma Yu Hlaing Thin ih nunnak a liam. Tuisun thlisia hrang ruangah raltlan thlam ṭhenkhat khal a siat” a ti.
Leave a Reply