Rukru An Pung

Kalaymyo, Lansung, Myoma bazar dunglam lamzin kap ah ritheihsii tham an tam thu kiangkap um mipi pawlin an rel. Ralhrang in thuneihnak an lak hnu ihsin hitawk kiangkap ah ritheihsii tham an tam deuhdeuh.

Ahlan ahcun khuate lamah an tham ṭheu nan tulai hi Kalaymyo ramsung ah an ra lut ciamco an ti. Ralhrang in thuneihnak an lak hlanah bing var hi penicillin burkhat ah Kyats 30,000 in an zuar, tu’ahcun burkhat ah 50,000 in an zuar.

Tualsung mi pakhat in, “Ritheihsii tham pawl cu mino deuh hlir an si. Kum 20 ihsin 30 karlak hrawng an si ding. Ritheihsii tham an tamtuk ruangah bike hlo khal a tam deuhdeuh, biakinn sung ta thilri bungrua khal an ru” a ti.

Be the first to comment

Leave a Reply

Your email address will not be published.


*