Kalaymyo Ah Thinlung Ciangkuang Lo Pakhat Cu Ralkap Pawlin Tlakrawh In An Sut, An Vel Ciamco

Kalaymyo, Bogyoke lamzin le Natchaung lamzin pialnak Cherry Tower hnuai lamzinkap ih um thinlung ciangkuang lo pakhat cu ralkap 4 in an vel ciamco, tlakrawh in an sut.

October 12 zan nazi 7:30 hrawngah ralkap 4 cun san le vang um loin nasa zetin kut an thlak. Mithmutu pakhat in “Thinlung kimlo cu uico 4 in nasa zetin an vel, an vuak. Tlakrawh in an sut ciamco ih meithal tawko in an vuak.

A lu khal a pawp, hitin an vuak ciamco laiah ralkap pakhat in meithal in kiangkap inn pawl a tinkual vivo ih video le zuk thei lo dingin a tuah. Sangka khar thluh uh, meisa mit uh tin kiangkap inn pawl cu a hringhro phah.

Ralkap pawlin mikim lo hnenah na thisen a suak tamtuk dingih reilote hnuah na thi ding an ti. Minung khal an si lo, minung thinlung an nei lo lawlaw” a ti. Thinlung kimlo cu hitawk hmun ih um ringring a si, hitin an velh hnu October 13 zinglam ah an hmu nawn lo. A umnak kiangkap ahcun thihnai tam zet hmuh a si.

Be the first to comment

Leave a Reply

Your email address will not be published.


*