Kalaymyo Ah Tlangval An Kap That

Kalaymyo, Sanmyo veng, Ahmat (8) tlawnginn kiangih umhmun khuar ralhrang pawlin tlangval kum 21 mi Ko Lin Lin Naing cu meithal in an kap that.

August 8, 2022 zan ah sungkhat inn ah riak dingin a feh lamah ralhrang pawlin an rak kap, a hna kiangkap hrawngah an kap ngah ih a hmun ah a thi cih. An sungkhat pawlin a ruak an va la tum ih khuasung ah ralhrang motor a vakkual rero lai ruangah an hngak lawh.

Neta ah a ruak cu an va la ih siizung ah an tlanpi hnuah inn lamah an tlunpi. Ko Lin Lin Naing hi kum 4 sung sammet dan a zir zo, Yangon ah sammet dan training ava kai. Kalaymyo a tlun hnu ni 5-nak ah ralhrang pawlin an kap that.

Kalaymyo ah sammet dawr ong dingih tawlrel rero lai a si. Dawr khan khal a sang zo ih thilṭul mi bungrua pawl khal a lei thluh zo, sammet dawr ong dingih aum laiah ralhrang pawlin an kap that.

Be the first to comment

Leave a Reply

Your email address will not be published.


*