Kalaymyo, Indaingone veng, No. (9) Basic Education High School sungih um saya/sayama pawl umnak inn cu June 2, 2022 zan ah an urkang.
Vengsung mi in, “Zan nazi 10:00 hrawngah mi pahnih an ra ih an urkang. Tlawnginn kiangih um mipi pawlin a caan kelin an thelhmit thei. Zo pawlin an urkang ti cu kan thei lo, himi tlawnginn cu vengsung mipi pawl sumpai thawhkhawm ih sak mi a si” a ti.
May 29 zingpit khalah Sanmyo vengsung ih um No. (8) Basic Education High School cu urkang a si. Kalaymyo ramsung ah nauhak tlawnginn 38 aum ih tuikum ah nauhak tlawngkai dingin hmin pe 8,559 an um.
Thudang: Ralhrang Pawlin Tedim Ah CDM Tuah Zrihtu (2) An Kai
Chin State, Tedim, Sakaw vengsung ih um CDM tuah zirhtu pahnih cu June 3 sun nazi 2:00 hrawngah ralhrang pawlin an va kai. An kaihmi pahnih cu middle school zirhtu an si, ralhrang pawl cu motor 2 in an va feh ih thusut ding aum tin an hruaisuak.
Vengsung mi in, “An innsung ah an va lutchilh ih thusim ding aum tin ralhrang pawlin an hruaisuak. Ralhrang ṭhenkhat cu uniform an hruh lo ih mi pangai vekin an um, khuitawk hmun ah an hruai ti kan thei lo” a ti.
Leave a Reply