Kalaymyo Ih Ralkap Tlansuak 20 Cu Ralkap Pawlin An Hawl Rero Lai

Kalaymyo ih umhmun khuar ralkap 20 cu an meithal pawl thawn an tlansuak ih ralkap pawlin helicopter le motor thawn an hawl rero lai.

Ralkap helicopter cu Kalaymyo parah a zamkual rero ih ralkap motor khal khuasung an helkual rero. Kalaymyo ramsung ih um pakhat in “Ralkap pawl an tlansuak ti cu thudik a si.

Kalay PDF pawl khalin an phuang zo, ahmaisa ahcun PDF pawl an hawl ah kan rak ruat lawk. Neta lawngah anmah ralkap tlansuak pawl an hawl ti kan thei, ralkap 20 pawl cu hmunhimnak ah an um zo” a ti.

Ralkap lam cun ziangthu hman an suah hrih lo. Min Aung Hlaing in Myanmar ramsung thuneihnak a lak hnu ihsin ralkap 2000 hrawng cu CDM tuah in an tlansuak zo.

Be the first to comment

Leave a Reply

Your email address will not be published.


*