Kalaymyo Ihsin Laitlang Lam Ih Kaiso Ralkap Motor 2 An Rak Kap

Chinram, Tedin peng, Sozang (ဆိုဇန်ရွာ) khua kiangah ralkap motor 2 cu mipi kilhimtu pawlin an rak kap ciamco.

September 24 zinglam nazi 10 hrawng ihsin ralkap motor 5 cu Falam le Tedim pialnak lamzin, Taingen khua kiangah an ding ringring, simlam nazi 6:30 hrawngah Tedim lamah an tlan ih mipi kilhimtu pawlin ralkap motor 2 cu an rak kap.

Sozang khua cu Kalaymyo ihsin Tedim fehnak lamzin kap ah aum ih Taingen ihsin miles 12 hrawngin a hla. PDF-Zoland, CDM ṭuanvo neitu in “Minute 15, nazi hrek hrawng cu an kap, ralkap motor pahnih an kap ih pakhat cu a sia thluh.

Amal bik 6 cu an thi, hliamtuar khal an tam zet tin kiangkap um pawlin an rel, mino pawl cu khawngaw ngah um loin dung an sip thei” a ti. Himi an kahawknak ah mithi le hliamtuar umziat a cipciar cun theih a si hrih lo, Taingen khua kiangah ralkap motor pakhat a ding ringring lai.

Be the first to comment

Leave a Reply

Your email address will not be published.


*