Kalaymyo Kiangah Ralkap In Pacang Pakhat An Kap That

Kalaymyo kiang Thuma khua ah ralkap in pacang pakhat an kap that. July 7 zinglam nazi 7:00 hrawngah ralkap pawl cu motor 5 in khuasung ah an lut ih an vakkual rero.

Lai meithal an hmuh ruangah an duhduhnak zawn meithal in an kap ciamco ih pacang kum 25 mi Ko Aye Min cu an kap that.

Tualsung mi pakhat in “Khuasung minung kah ding hawl ih vakkual an bang, khuasung ah an ra lut ih Thida Tun fang rialnak hmun ah khuasung mi pakhat ih ret mi Lai meithal an hmu. Fang rialnak le a kiangkap hrawng cu an kap ciamco hngal, fang rialnak ih hnaṭuan Ko Aye Min in a ṭih tuk ih fang rialnak ihsin a tlansuak cu a lu ah an rak kap ih a thi” a ti.

Ko Aye Min cu Thuma khuami a si ih Chinsain ah nupi nei in an khuasa, a nupi le a fapa pakhat a thihsan. Thuma khua cu Kalaymyo ihsin peng 5 hrawng a hla ih Gangaw lamzin ah aum.

Be the first to comment

Leave a Reply

Your email address will not be published.


*