Kalaymyo, Natchuang Ah Ralhrang In An Hmuhhmuh Minung Cu An Kap

Kalaymyo, Natchuang khua hi ralhrang pawlin an nuai nasa zet. Natchuang khua kiangkap ah tualsung mipi kilhimtu le ralhrang pawl an kapaw áš­heu.

Ralhrang pawlin Natchuang khua cu doawknak vanzam in an kap ciamco hnuah an va lutchilh ih khuasung inn le lo an siatsuah. Inn an urkang, khuasung mipi pawl cu hmun dangdang ah an tlan ih tarcak lo pawl lawng khuasung ah an tang.

Natchuang khuasung ah ralhrang pawl an um lai ih an hmuhhmuh minung cu an kap ciamco hngal, lamzin ih an hmuhmi khal an kap ih sualnak neilo khuasung mi 20 zikte an thi zo. Mithi ruak 4 lawng an la thei lai.

Tualsung mi pakhat in, “Kan khuasung ah ralhrang pawl an um lai ih an hmuhhmuh cu an kap that. Kan khua ah thinlung kimlo pakhat aum ih cukhal an kap that thotho, mithi ruak 4 lawng kan la thei lai. Kan theihfiang mi ah mithi 13 an um ih kan theih lo mi mithi khal an um ko ding” a ti.

Be the first to comment

Leave a Reply

Your email address will not be published.


*