Kalaymyo Pacang Cu Ralhrang Kutsung Ah A Thi, Ralhrang Pawl Lakah A Au Sual

Kalaymyo, Doe Win Chaung khua ih um pacang kum 53 mi U Aung Lwin Oo cu a cangvai sual ruangah ralhrang pawlin an vuak ciamco hnuah an kai ih a thi. Ralhrang pawl thuneihnak an lak kumkhat kimnak Februay 1, 2022 sun cu mipi zaten daiten duhphorhnak nei dingin forhfial awk a si.

Himi sun ah ralhrang le an lamtang pawlin ralkap hrangah duhphorhnak an rak tuah ih puai a phunphun an tuah. Zinglam nazi 11:00 hrawgah Nat Chaung lamzin, Chan Myae siizung kiangah ralhrang le Pyu Saw Htee pawl cu uniform hruh lo, mipangai vekin an rak umkhawm.

U Aung Lwin Oo in a theisual ih mipi pawl lamzawhnak an nei ah a ruat ruangah an kiangah ava feh ih a au ciamco ih an rak vuak. Tualsung mi pakhat in, “Mipi pawl lamzawhnak an nei ah a ruatsual, an kiangah a feh ih ‘dothlennak ah nehnak kan co ding’ tin ava au ciamco ruangah an kulh thluh ih an vuak ciamco. An hringhro ih an zaten an sit, an thong ih a let.

An suahsal ah ka ruat nan an rak suah lo ih an kai, mani (February 7) ah a innsang pawl hnenah a ruak ra la uh an ti. Tuisun nazi 1:00 ah a ruak cu kan vuiliam” a ti. U Aung Lwin Oo in a nupi le a fale 3 a thihsan. Himi zing thotho ah ralhrang pawlin Kalaymyo ah CDM tuah tlawng sayama pakhat an kap that.

Be the first to comment

Leave a Reply

Your email address will not be published.


*