Kalaymyo Peng Doawknak Ah Ralhrang 5 An Thih Ruangah Ralhrang In Khua An Urkang

Kalaymyo pengsung, Shapo khua ah tualsung mipi ralkap le ralhrang pawl an kapaw ciamco. May 2 ihsin May 3 simlam tiang an kahawk hnuah ralhrang pawlin doawknak helicopter pahnih an hmang.

Nihnih sung an doawknak ah ralhrang 5 an thi. Shapo khua kiangkap hmun pathum ah doawknak a thleng. Ralhrang pawl ih hmanmi Drone khal mipi ralkap in an kah siatsak. Tualsung mipi ralkap CDF-KKG, PDF (Kalay), CNDF, RKDF le ပ.က.ဖ pawl an tangtlang.

May 3 simlam nazi 3:00 hrawng ah Kalaymyo ihsin ralhrang helicopter pahnih an poksuak ih bomb an thlak. Ralhrang pawlin sun le zan rori Shapo khua ah ralthuam picang an kap. May 3 simlam nazi 4:00 hrawngah tualsung mipi ralkap pawlin Shapo khua cu an suahsan.

Nazi 5:00 hrawngah ralhrang le Pyu Saw Htee pawl cu Shapo khuasung ah an va lut ih inn pawl an urkang. May (1) khalah ralhrang pawlin Sii khua ah inn 800 an urkang, Myittha tiva kiangkap doawknak ruangah khuasung mi 10,000 lenglo cu raltlan in an um.

Be the first to comment

Leave a Reply

Your email address will not be published.


*