Kalaymyo Peng Sungah CNDF Le A Tanrualpi Pawlin Ralhrang 10 Lenglo An That

June 22, 2022 zinglam nazi 9:30 hrawng ihsin CDF -KKG tatzin (3), PDF Kalay, Vakok/NA (CNDF), RKDF le ပ.က.ဖ pawlin ralhrang pawl an kap. Zanlam nazi 3:00 tiang hrawng an doaw ih ralhrang 10 lenglo an thi ih hliamtuar tam zet an um. An doawknak ah PDF Kalay ralkap pakhat a thi.

Vakok/ NA (CNDF) ralkap (2), ပ.က.ဖ ralkap (1) le PDF Kalay ralkap (1) in hliam an tuar. June 19 ah ralhrang 200 hrawng cu Kalaymyo saklam ah an va feh ih Natmyaung khua ah zanhnih an riak.

June 20 ah ralhrang 70 hrawng cu Kalaymyo lamah an kirsal. Ralhrang 130 hrawng cu Natmyaung khua ihsin Heloke khua lamah an feh, Heloke khua thleng hlanah tualsung mipi ralkap tangtlang in an rak kap ciamco.

June 22 zanlam nazi 4:00 hrawng khalah Kalaymyo ihsin ralhrang motor 7 cu Tamu lamah an feh ih lamzin ah PDF Kalay in bomb in an rak puah. Ralhrang motor 4 cu bomb in an puahsiat ih ralhrang 20 hrawng an thi ding ti zum a si. Ralhrang motor pakhat cu a tlansuak thei. Tamu-Kalay lamzin ah doawknak aum ruangah lamzin hmang hrih lo dingin theihternak an suah.

Be the first to comment

Leave a Reply

Your email address will not be published.


*