Kalaymyo, Pyin Thar Khua Ih Umhmun Khuar Ralhrang Pawl An Va Kap Ih 12 An Thi, PDF 7 Ih Nunnak Liam

February 4, 2022 zan nazi 7:30 hrawngah Kalaymyo, Pyin Thar tlawnginn sungih um ralhrang pawl cu tualsung mipi kilhimtu tangkhawm tatzin (6) le tatzin (7) in an va kap ciamco.

Tlawnginn khan sungah Pyu Saw Htee le ralhrang 4 an rak to, PDF pawlin bomb in an puah ih a hmun ah an zaten an thi thluh. Cumi hnuah naitakten an kapaw ciamco, mipi kilhimtu cu 50 hrawng an si. An doawknak ah ralbawi pakhat telin ralhrang 12 an thi ih hliamtuar khal tam zet an um.

PDF tatzin (6) ah mi 4 an thi ih tatzin (7) ah 3 an thi. Sun nazi 12:40 hrawngah Sitha Phungyi Tlawnginn kiangah ralhrang pawl cu rawl an suang ih zumdan cun mipum 80 hrawng an si ding.

Ralhrang ruak 12 le hliamtuar pawl cu ralhrang pawlin Kalaymyo lamah an phur, PDF 7 ih ruak cu Pyin Thar tlawnginn sungah an ret ih ralhrang pawlin khuasung mipi pawl cu zoh lo ngah loin mithi ruak cu an zohter thu theih a si. (#Khit Thit Media)

Be the first to comment

Leave a Reply

Your email address will not be published.


*