Kalaymyo Ramsung Doawknak Ah Ralhrang 5 An Thi Ih PDF-Kalay Pahnih Nunnak Liam

Kalaymyo thlanglam Kyauk Pyut khua ih umhmun khuar ralhrang pawl cu PDF-Kalay in an va kap. Kyauk Pyut khua ah inn 230 hrawng an um, khuasung mipi zaten hmundang ah an tlan thluh.

An khua sungah ralhrang le an kuthnuai Pyu Saw Htee pawl lawng an um. November 21, 2021 zinglam nazi 10:00 hrawng ihsin an kapaw ih sun nazi 1:30 tiang an kapaw ciamco.

Nazi 3:30 sung an kahawknak ah ralhrang 5 an thi ih mipi kilhimtu lam pahnih an thi ve tin PDF-Kalay in an tarlang. Mipi kilhimtu pawlin hmai an nor lawk nan ralthuam thazang an thlauaw ih hleiah Hanthawaddy lamih um ralhrang pawlin an rung kahbawm ruangah mipi kilhimtu pawl cu an kirsal.

Kalaymyo ramsung ah ralhrang le mipi kilhimtu PDF-Kalay hi doaw thei ringring dinhmun ih an um ruangah khuasung mipi khal ralrinten um dingin theihter an si.

Be the first to comment

Leave a Reply

Your email address will not be published.


*