Kalaymyo, Taungphila Tlawnginn Ah Bomb A Puak

March 14, 2022 sun nazi 1:00 hrawngah Kalaymyo, High School ah bomb veihnih a puak, bomb puak awn cu a ring tuk ih hmunhlapi ih um pawl khalin an rak theithei. Bomb puak ruangah tlawnginn building thar an sakmi ih thlalang pawl a kuai nasa.

Mithmut in, “Tlawnginn ihsin hnipuan pangai hruh mi pahnih an suak lai ka hmu, bike thawn an tlan hnu reilote ah bomb a puak. A awn cu a ring tuk, minung tuahmawh aw an um thuhla cu ka thei lo. Tlawnginn thar ih thlalang pawl a kuai siat” a ti.

Tualsung mipi pawlin University lut theinak exam an nei zik thlang ruangah hriamkai pawlkom pakhat khat in ralhrang pawl dothlennak ah an cangvai a si men thei an ti. Asinan, zo pawlin bomb an puah ti cu theihfiang a si lo. Kalay-PDF ṭuanvo neitu in ‘ralhrawng pawl thawn an doaw rero lai ih, khuasung tlawnginn ih bomb puahtu an si lo thu RFA Burmese thuthang hnenah a sim thei.

Thudang: Tahan, Sanmyo Vengih Tlawnginn Ah Bomb Kammi An Hmu: March 1, 2022 sun nazi 1:00 hrawngah Tahan, Sanmyo vengsungih nauhak tlawnginn ah bomb kammi an hmu. Bomb cu tuahcop bomb a si ih a thazang cah lam cu an tarlang lo.

Basic Education High School No.8 Compound sung, tlawngta pawl thirleng le motor retnak hmun ah an hmu ih tlawnginn ṭuanvo neitu pawlin Kalemyo Security Force an ko lohli. Bomb thiam pawlin bomb cu an thihter hnuah an lasuak.

Tlawngta pakhat ih nulepa in, “Leilung sungah an rak phum, puak sehla cun a poi zet ding. Tlawngta nulepa, saya/sayama pawl khal an ra thleng ih an thinphang tuk” a ti. Tlawnginn sungih bomb kamtu cu theih a si lo.

Be the first to comment

Leave a Reply

Your email address will not be published.


*