Kalaymyo, Tharsi Khua Ah An Kapaw

Kalay township, Tharsi (သာစည်) khua ah ralkap le KCA (Kalay Civil Army), Kalay-PDF pawl an kapaw rero lai. Khuami pakhat in “Tuizing May 31 zinglam ihsin an kapaw, ralkap pawl cu veng lal inn ah an um. Khuasung mi ṭhenkhat cu hmun dangah an tlansuak” a ti.

Mipi kilhimtu pakhat in “Tuizing ah tlawngta hruaitu hlun Ko Hlai Thun, khua lal le a tunu an kaih ihsin kan buai thok, khuasung ah meithal an hmetpuak rero.

A tir ahcun khuasung mipi pawl kan ruat ruangah khuasung ah kan lut duh lo ih kan hngak. Asinan, khua suahsan an tum lo ruangah sun nazi 12:00 hrawng ihsin kan kap thok” a ti.

Tu khalah an kapaw rero lai ih CB Bank, siizung kiang le Aung Thitsar veng sungah bomb a puak. Mithi le hliamtuar thuhla cu an tarlang hrih ih ralkap in khuasung mi 6 hrawng an kai.

Tharsi khua cu Kalaymyo kiang ciah ih um a si ih Natchuang khua lamah aum, Tharsi khua ih an kahawk ruangah Kalaymyo ah ralkap pawl an duty nasa ti a si.

Be the first to comment

Leave a Reply

Your email address will not be published.


*