Kalaymyo, Tharsi Khua Ih Mohinga (မုန့်ဟင်းခါး) Zuartu An Kap That

February 8, 2022 zingthlapit ah Kalaymyo, Tharsi khua ih Mohinga zuartu nunau pakhat cu zo ti theih lo hriamkai pawlin an kap that. A hmin cu Ma Thiri Wai a si ih an khua luhnak kiangte ah mohinga zuar a ong.

Mohinga zuar dingin zingthlapit ah a tho ih thilṭulmi pawl a tuah rero laitak ah meithal in an kap that. Kiangkap ih um mipi pawlin zingthlapit ah an inn hmai hrawngah bike mawng awn an theih rero thu an rel, cumi hnuah nunau authawm an thei ih meithal awn veikhat an theih hnuah veikhat an theisal.

Kiangkap um pawlin suamhmang, damiah an si dingih sumpai an dil ih a pe lo ruangah an kap that a si ding an ti nan nenhngetnak ngaingai cu aum hrih lo. Hi thil a thleng laiah an inn sungah a pasal le a tapa lawng an um. Tharsi khuasung ah rukru le suamhmang khal an tam zet, ramsung buainak cu caanṭha ah rak la in mipi thilri ruksak tum an tam zet an ti.

An thilri bungrua khal a hlo ringring, lamzin kap ih an retmi motor battery khal an rak ruksak ṭheu. Ramsung a buai laiah rukru le suamhmang an tam tuk ruangah khuasung mipi pawl khal fimkhur cio dingin theihternak an suah.

Be the first to comment

Leave a Reply

Your email address will not be published.


*