Kalaymyo, Thazi (သာစည်) Khua Ah Dalan 2 An That

May 31, 2021 ah Kalay township, Thazi (သာစည်) khua ah ralkap le KCA (Kalay Civil Army), Kalay-PDF pawl an doaw ciamco.

Mipi kilhimtu pakhat in “Tuizing ah tlawngta hruaitu hlun Ko Hlai Thun, khua lal le a tunu an kaih ihsin kan buai thok, khuasung ah meithal an hmetpuak ciamco. A tir ahcun khuasung mipi pawl kan ruat ruangah khuasung ah kan lut duh lo ih kan hngak. Asinan, khua suahsan an tum lo ruangah sun nazi 12:00 hrawng ihsin kan kap thok” a ti.

June 1 zinglam ah Thazi khua ih dalan 2 cu thicia in hmuh an si, an innsung ah nam in dawt that an si. An hmin cu Ko Pwar Gyi le Ko Ye Win an si ih khuasung mipi cangvaihdan pawl ralkap hnenih an sim ṭheu ruangah an that.

Hmin tarlang duh lo khuasung mi pakhat in “Ko Pwar Gyi ih ruang cu a innsang pawlin an la zo, Ko Ye Win ih ruang cu zohman in an la hrih lo. Ziangtik caan ciah ah an that ti cu theih a si lo, dalan 3 that an tum ih pakhat cu a tlansuak man” a ti.

Ralkap pawlin vengsung mipi pawl thu an sut vivo ih minung 8 an kai, pakhat an kaihmi cu an sumpai 5 million kyats (US$3,050) khal an laksak cih. Thazi khua cu Kalaymyo kiang ciah ih um a si ih Natchuang khua lamah aum.

Be the first to comment

Leave a Reply

Your email address will not be published.


*