Kalaymyo, Tinthar Khua Ih CDM Tuahtu Inn An Urkang Ih Inndang Khal A Kangkai Vivo

August 28 sun nazi 12:00 hrawngah Kalaymyo thlanglam, Tinthar khua ah ralkap le an kuthnuai ih pawlkom Pyu Saw Htee pawl an va lut ciamco ih CDM tuah tlawng sayagyi U Kyaw Min Naing kaih an tum.

An khua sungah ralkap pawl an lut veten mipi pawl cu an rak tlan thluh man, tlansuak thei lo pitar, putar damcak lo pawl lawng inn sungah an tanta.

Ralkap pawlin U Kyaw Min Naing tei inn cu an urkang hmaisa bik ih kangmei cu inndang ah a kangkai vivo nan zohman in an va mit ngam lo. Tinthar khua ah inn 2000 lenglo aum ih an inn cu a kang rero lai.

Khuasung mi pakhat in “Innsung thilri pawl khal an siatsuah thluh. U Kyaw Min Naing tei inn an urkang ih inn 3 hrawng a kangkai zo, zohman in an va mit ngam lo. Innkang cu ralkap pawlin meithal kengin an zoh ringring.

Va mit tum sehla in rak kap that mai ding. Khausung mipi pawl cu kan tlan thluh ih kan relh, khuasung inn pawl a kang vivo asilen tlansuak thei lo, inn sungih um pitar putar damcak lo pawl cu an buai zet ding” a ti.

Be the first to comment

Leave a Reply

Your email address will not be published.


*