Kalaymyo Tuisun Ah Covid-19 In Minung 4 An Thi

Covid-19 in Kalaymyo ramsung a nuai rero thlang ih lockdown khal an phuang zo. June 2 ah Wesley siizung ih hnaṭuan sibawi le nurse 8 hnenah Covid-19 hmuhsuah a si ih siizung khal an khar cih.

Siizung hnaṭuantu 70 cu kharhkhum an si ih an ei le in cu siizung in a tumsak thluh. Cun, natkai pawl ih an innsang khal home quarantine in an um.

Tuisun June 4 ah Covid-19 in minung 4 an thi ih a sun ah an vuiliam hngal, 3 cu zinglam ah an thi ih pakhat cu sun hrawng ah a thi. Mithi 2 cu kum upa lam mipa an si, a dang 2 cu nunau le nauhak an si.

Mithi pakhat cu Taungphila veng ih um a si ih pakhat cu တင်သားရွာ ih um a si, Aung Myay Man vengih um pakhat le Nat Chaung lam ih um pakhat an si.

June 4 sun ah minung 75 an check-up ih minung 25 hnenah Covid-19 hmuhsuah a si, an zaten quarters-nak ah an tuamhlawm rero lai. Kalaymyo cu lockdown a si ih ṭul poimawh tuk ih vaksuak duh pawl cu official permission an dil a ṭul.

Vahsuah tik khalah mask bun ringring ding a si ih daan le dun thlun lo pawl cu hremnak pek an si ding. Ministry of Health and Sports (MOHS) in tuiṭum ih Covid-19 nathrik cu India ramsung ih Covid-19 nathrik thar thawn an bangawk le bangawk lo an zingzoi rero lai.

Be the first to comment

Leave a Reply

Your email address will not be published.


*