Kalaymyo Zanṭim Laiah Rukru An Hrang

Covid-19 natsia le ralkap pawlin Kalaymyo ramsung an nuai ciamco hnuah zanṭim laiah rukru an hrang zet ti theih a si. Kalaymyo ramsung ah zan vahsuah siang lo thu an phuang zo nan rukru cu an tam zet.

Rukru pawlin innsungsang thilri le lamzinkap ih meisa hri an ru ṭheu. July 27 zinglam kau nazi 1:00 hrawngah zo ti theih loin Kalaymyo, Tat Oo Thida vengih meisa hrih an ruk lai cu CCTV in arak zuk ngah.

Cumi hnuah Bogyoke lamzin, District Office kiangih um inn 5 ih meisa hri khal an ruksak. Rukru pawl ih cangvaih caan hi zanṭim lai a si ruangah mipi in an theithei lo.

Tat Oo Thida vengsung ih meisa hri an ruksak mi in “Tulai Kalaymyo sungah meisa hri ru an tam zet, mizan July 27 zan nazi 1:00 ah rukru 2 in kan meisa hri an ruk lai cu CCTV in arak zuk ngah. Anmah cu kan kai ngah lo, an ruk mi kan inn ta meisa hri cu pi 300 a si” a ti.

An rukmi meisa hri pawl cu meisa hri ṭha pawl a si ih a man khal a khung zet, cun rukru pawl ih cangvaihdan an zoh tikah meisa hri rukdan khal an thiam zet. Veng dang khalin thilhlo le meisa hri ruksak tong an rak um hnuaihni zo.

Be the first to comment

Leave a Reply

Your email address will not be published.


*