Kale-Gangaw Lamzin Doawknak A Sosang, CDM Lut Tlawng Saya An Kap That

May 28 sunah mipi kilhimtu le thuneihnak latu ralkap pawl cu Magway Division, Kale-Gangaw lamzin ah an doaw ciamco. Ralkap motor 4 cu mipi kilhimtu pawlin an rak bawh ih an kap, ralkap motor pakhat a kangsiat thluh.

Nasa zet ih an doawk hnuah ralkap pawl cu dung an sip, dung an sip ih lamzin ih an hmuhhmuh cu an kap vivo. Inn 3 khal an urkang ih khuasung mi pakhat an that hnuah an urkang, ralkap pawlin Yehla khuami CDM lut tlawng saya Saw Min Naing Oo an kap that.

May 28 sun an doawknak ah ralkap lam 5 lenglo an thi ih hliamtuar khal an um, mipi kilhimtu lam 3 an thi. Kale-Gangaw lamzin ihsin dung sip ralkap motor 2 cu Kalay Region Defense Association (KRDA) pawlin an rak bawh ih an kap.

Kalay Technology University kiangah ralkap motor 2 cu an rak kap ciamco ih ralkap motor a siat, ralkap lam hliamtuar an um le um lo cu theih a si hrih lo, KRDA lamah hliamtuar an um lo.

Be the first to comment

Leave a Reply

Your email address will not be published.


*