Kalewa Lamzin Ah Innsang Motor In Bomb A Pal Puak, An Thi Thluh

Sagaing, Sakhangyi khua kiang Monywa-Yargyi-Kalewa lamzin parah innsang motor pakhat in bomb kammi a pal puak ih motor to zaten an thi thluh, mi pakhat cu a hlo.

Innsang motor cu Hondafit a var pawl a si ih April 5 ah Mingin ihsin Kalaymyo lam ih feh tum an si. Tualsung mi pakhat in, “Sun nazi 1:00 hrawngah bomb kammi an pal puak, motor in bomb kammi pahnih rori a pal ngah. Motor sungih to zaten an thi thluh” a ti.

Motor neitu cu Satha khuami a si. Mithi pawl cu Daw Nway Nway Lin, Maung Ye Yint Thu, Ma Run Le Wai, U Than Win Maung (Mingin khuami), Maung Pyi Phyo Wai le U Soe Yar Za cu a hmun ah an thi cih.

Motor sungih to ve Daw Moe Sandar Myint ih ruak cu a hlo, an hawl rero nan an hmu thei hrih lo. Zo pawlin bomb an kam ti cu theih a si hrih lo.

Be the first to comment

Leave a Reply

Your email address will not be published.


*