Kan Dung Zarh Sungah Ukraine President Cu Veithum Thah An Tum Nan An Hlawhsam >>>

Russia in Ukraine ram a siim rero laiah leitlun ih misual pawlkom pathum khal sumpai tam zetin a ruai ih Ukraine president kum 44 mi that an fial. Himi doawknak ih telve duh lo Russia FSS pakhat in an cangvaihnak cu Ukraine ṭuanvo neitu hnenah a thupten arak sim thei.

Russia cozah in mithat hmang pawlkom hnenah an that dingin hmin list 24 a pe ih sumpai tam zetin mithat a fial. An ruaimi pawlkom pahnih cu The Wagner Group le Chechen special forces pawl an si, Russia cozah thawn pehtlaih awknak an neih lo ruangah himi pawlkom in Ukraine president an that thei asilen Russia cozah in anmai cangvaihnak a si lo thu an rak phuang thei.

Pawlkom pakhat cu Russia kuthnuai ih cangvaitu a si, The Wagner Group pawlkom sungah mithat hmang mi 400 an um ih leitlun hmun dangdang ah tualthat dingin an rak feh ṭheu. Mithat an thiam tuk ih an sulhnu khal hmuh ding um nawn loin an cangvai thiam, phenthlam ihsin an cangvai thiam an ti.

Curuangah US president Biden in Ukraine president cu a phone ih Ukraine ram ihsin tlansuak dingin a fial, a tlannak ding lamtluan khalah US ralkap pawlin an lo kilhim ding tin thu a cah. Asinan, Ukraine president in, “Tlan ka ṭullo, ral kan do lai. Tlan aiin cerek, ralthuam kan ṭul sawn” tin US president ih sawmnak cu arak hnawng.

Kan dung zarh sung lawngah Ukraine president hi veithum rori thah an tum nan an hlawhsam, misual pawlkom pahnih cu an cangvaih hlanah Ukraine ralthiam pawlin an rak nuai cimit man. Pawlkom pakhat khal hlawhsam in an kirsal.

Be the first to comment

Leave a Reply

Your email address will not be published.


*