Kan Ram A Ṭhat Theihnak Dingah Nunnak Thap In Raldo Rerotu Mipi Ralkap Hrang CCRFC Thusuah

Chin Crisis Relief Funding Committee Thusuak: “Phunpi Unau Zate’n, Chin Crisis Relief Funding Committee Thusuak hmin in cibai kan lo buk. Kan rak than zo vekin ramsung le ramleng kan milesa pawl in mipi ralkap CNO/CNDF kan dinpi theinak dingah tiin Chin Crisis Relief Funding Committee cu We Stand With Falam CDM Heroes hnuai ah sub-committee ih din a si.

Mipi ralkap CNO/CNDF lam ihsin miralṭha ziangmawzar cun kan ram le miphun hrangah a sangbikmi le a hlubikmi an nunnak tiang an rak hlan zo. Nang le kei miphun le ram a duhdawt ve tu in kanmah leh kan ti theinak zawn te cio in kan miphun siseh, kan mipi ralkap siseh dinpi vivo dingin ṭuanvo tumpi kan nei.

Curuangah leitlun hmunkip ih a ummi kan milesa pawl khal mah le theitawk te’n mipi ralkap pawl dinpi leh thazang pek dingin CCRFC hmin in kan lo sawm. Mipi ralkap pawl hriamhrei lawng siloin nitin an ei-in nuntu khawsak daan siseh, hnipuan, sivai leh an ṭul tlaksammi tete pawl tiangin kan ṭanpi a ṭul ruangah CCRFC cun ramtin ih um kan miphun pawl hmunkhat te ah sumsaw khongaw dingin kan lung a kim.

Kan mipi ralkap a cak sinsin theinak dingah timi ruahsannak thawn CCRFC hohanak in thlatin paisa khonawk a si dingih na umnak ram leh khua ih CCRFC hotu hnenah a ranglam in rak pehtlai dingah kan lo sawm. Mipi ralkap dinpinak ahhin a tam le a mal tiin phutawk aum lo ih na ti theizat te’n na rat telve ding kan lo hmuak.

Mipi ralkap a cak asile a lungawitu ding cu nangmah le keimah kan siih, mipi ralkap an derthawm asile donhartu leh riahsiatu ding khal nangmah le keimah thotho kan si. Mipi ralkap CNO/CNDF dinpinak ah ra telve tengteng aw. Lungrual cu cahnak a si.

Hruaitu pehtlaihnak ding: (1). Salai Robin Ph: +61450138832 (Australia), (2). Salai Chin Robul Ph:+1613324-5077 (Canada), (3). Salai Zalen Chin Ph: +410763564340 (Europe), (4). Vnc Vante Ph: +919485411242 (India), (5). Salai Cung Mang Ph: +853-63352722 (Macao, China), (6). Mai Certe Ph: +60172276243 (Malaysia), (7). Mai Jesse Ph: +64273842442 (New Zealand), (8). Salai Falam Ph: +17038354380 (USA). Miphun ih nan hnaṭuanpi, Chin Crisis Relief Funding Committee

Be the first to comment

Leave a Reply

Your email address will not be published.


*