Kareena Kapoor In Cabu A Tlangzarh Ding Thu A Phuang Ih Christian Pawlkom In Taza An Cuai

Kum 40 mi Kareena Kapoor cu India lemcan thiam hminthang a si ih leitlun huap ih milar pakhat a si. A pasal Saif Ali Khan thawn fate 2 an nei zo, Kareena Kapoor in a naupai lai ih a hmuhtonmi pawl cu a ngankhum ih cabu in a suah tum.

A cabu cu FPGSI khalin official in an cohlang zo, July 9 ah Kareena Kapoor in cabu a tlangzarh ding thu a phuang. Kareena Kapoor in “Ka naupai sungih ka hmuhtonmi pawl ka ngankhumnak cabu a si ih ka fapa 3-nak vekin ka ruat” a ti.

Asinan Christian pawlkom į¹­henkhat in a cabu hmin title ruangah taza an cuai, a cabu hmin cu ‘Pregnancy Bible’ ti a si, “Naupai Cabu Thianghlim” “Naupai Cabu” ti khalin a let theih.

Bible timi a san cu cabu thianghlim, cabu tinak lam cu a si nan Christian sakhua hrang bik a si ruangah taza an cuainak san a si. Christian pawlkom cun Maharashtra, Beed khawpi ih palik sakhan ah taza an cuai ih July 14 khalah veihnih complain a tong.

Shivaji Nagar Police station ih palik bawi in “Complain cu kan dawng nan Beed ramsung ih thilthleng a si lo ruangah kan ngankhum thei lo. Mumbai ramsung palik sakhan ah thubuai va thehlut dingin ruahnak kan rak pe” a ti.

Be the first to comment

Leave a Reply

Your email address will not be published.


*