Karen Mipi Kilhimtu Pawlin Mipi Fang-at An Bawm

KNU ih hmunram sungih um khuasung mipi pawl ih lo hnaṭuan cu Karen National Liberation Army (KNLA) pawlin an bawm ṭheu.

Fangat cuh laitak a si ih fangat an va bawm, KNLA pawlin nunnak thapin khuasung mipi pawl an kil ringring. An man caan ah umlak men loin mipi pawl ih hnaṭuan an bawm ṭheu. Fangat lawng siloin leilet cuh caan ah lei an letsak ṭheu, fang an phun ih umlak nei loin hna an ṭuan ringring.

KNDF- B-02 ṭuanvo neitu in, “Kan hnaṭuan cu mipi humhim ding, raltlan pawl kilkhawi ding hi a si. Mipi ih an ṭulsammi pawl bawm ding kan si, tulai hi fang at cuh laitak a si ruangah kan ralkap pawlin an va bawm ṭheu.

Kannih cu mipi ruangih um kan si vekin ziangtik lai caan khalah mipi hrangah kan um ringring ding a si. Mipi pawl cu kan nulepa an si, ziangtik lai caan khalah in bawmtu an si” a ti.

Be the first to comment

Leave a Reply

Your email address will not be published.


*