Karen Ramsung Doawknak Tualrawn Ih Feh Duh Lo Ralhrang 20 Cu An Tlanhlo >>>

Tanintharyi ramkulh, Kawthaung Township, Khamakgyi ramsung ih umhmun khuar tatzin 7th ralhrang pawl cu Karen ramsung doawknak ah feh dingin tlunlam ihsin thupek an dawng. Ralhrang 20 cu Karen ram ih feh an duh lo ruangah sakhan ihsin an tlansuak.

December 20 ah an tlanhlo ih ralhrang pawlin an thuhla cu an thup. Kawthaung ramsung cu ralhrang pawlin lutsuak an siang lo ih ralkap tlanhlo pawl cu an hawl rero lai.

An thuhla theitu, hmin tarlang remlo pakhat in, “Karen ramsung doawknak ah ralkap thi an tamtuk zo ruangah Karen ram ih feh cu an ṭih a si ding. Doawknak tualrawn ih an feh duh lo ruangah ralkap 20 cu an tlanhlo, Kawthaung ramsung ah an hawl reo lai. December 20 ah an tlanhlo ih an thuhla cu ralkap pawlin an thup ringring lawk, tui zarh sungah an sakhan ihsin ralkap 70 cu Karen ram ah an kuat zo” tin media hnenah a sim thei.

Karen ramsung doawknak ah ralhrang thi le hliamtuar an tam thei tuk ruangah ralhrang 50 lenglo cu an ralthuam kimcang thawn mipi kilhimtu KNU hnenah an tlanlut zo thu KNU ṭuanvo neitu in a rel.

Be the first to comment

Leave a Reply

Your email address will not be published.


*