Kawlram Mi In Thailand Ram Ah Nunau Nauhak Te A Ru !!!

Thailand, Chiang Mai Province ramsung ih um nauhak kum 2 mi cu a hlo ih het le chet tin an hawl rero nan an hmu thei lo, ni 3-nak ah an rinhlelmi Kawlram pa cu thu an sut ih a sim duh lo lawk. Napin thu an sut ciamco hnu lawngah a retnak hmun a sim thei ih a that lo thu khal a sim.

Cutin, police pawlin lamzin khihhmu dingin an hruaitel ih banhla hmuan ih thlamte sungah thacau zetin nauhak te cu arak it hnianghni lai an hmu, Kawlram pa in nauhak cu a ruk hnuah puk sungah a ret.

Cutawk puk ihsin nauhak te cu arak tlansuak thei ih banhla hmuan ah lutin thlam sungah a relh. Nauhakte ih nu kum 23 mi Mali Pasi khal a fanu Nong Gina an hmuhsal ruangah lungawi aipuang in a tap rero.

Mali Pasi in “Ka fanu Gina ka hmusal cu ka lungawi tuk, suaksal vek ka si” tin mitthli thawn runsuaktu pawl hnenah a sim thei. Gina cu a nulepa in siizung ah an fehpi ih an tuamhlawm rero lai, Chiang Mai police pawlin nauhakte rutu cu an kai ih sakhan ah an hruai. A hmin cu Mr Siew ti lawngin an thei, kum 44 mi a si.

Cun nauhakte ih pa Mr Suriya Wongsilarung thawn rualpi aw an si. Thailand police pawlin thu an sut ih Mr Siew in nauhak a ruk thu a phuangaw, a ruknak san cu “Ramlak ah khuasia ka tongih nauhak umpi a duh thu in sim, lamlak ah Nong Gina ka hmu ih ka kai. Puk sungah ka tanta ih tupi khuasia le tlangpar khuasia pawl thawinak hrangah ka ret” a ti.

Be the first to comment

Leave a Reply

Your email address will not be published.


*