Kawlram Nute Ih Cakuat Cu US President Joe Biden In A Letsawng

US, California, Mountain View ih um Kawlram nauhak nute Doreas Thang in President Joe Biden hnenah ca a kuat ih Myanmar ramsung buainak pawl a sim thei. President Joe Biden in arak siar hnuah a letsawng. Cakuat sungah cun Joe Biden ih zuk le White House hminkhen pawl a cuang.

Doreas Thang in Kawlram sung buainak cu arak thei ṭheu, ralkap pawlin diklo zetin mipi an soisatnak video le zuk pawl cu a zoh ih a thinum a nuam lo zet. A nu in “A riahsiatnak thu pawl in sim hnuah President Joe Biden hnenah ca ka kuat ding aumnak address in simaw in ti. Google sungah ka hawlsak ih ka pe, ca cu a cian in a ngan lawk ih in hmuh.

Ka zohsak ih a tuarnak cu a naa zet ti a lang, ṭhaten ngansal aw ka tiih a thaisun ah White House ah kan va kuat” a ti. Doreas Thang in Myanmar raltlan pawl le a pi, an sungkhat hrangah a thinum a nuam thu pawl a ngan. Cun nauhak tete khal ramlakah an tlan ih humhimnak an ngah lo, ramlak ah rawl khal ṭhaten an ei lo ih a zangfak zet thu pawl cu a nu hnenah a sim.

President Joe Biden in October 20 sun ah a letsawngnak ca cu a ngan ih October 26 ah an hnenah a thleng. President Joe Biden in lungawithu a sim ih Vice President Harris thawn an rak siar ih an lung a lut zet thu pawl a ngan.

Hmailam caan ti danglam dingin cahnak na nei, thilawlai asilo ruangah in bawm ka ṭul ding. Huaisen zetin um awla hmailam caan ih hruaitu ropi pakhat na si ding. Nauhakte na si lai nan thupi zet, mipi hrangih na ausuahnak cu upa pawlin kan rak ngai sokhaw…” tin forhfialnak le thazang peknak a nei.

Be the first to comment

Leave a Reply

Your email address will not be published.


*