Kawngsang In Rukru A Keu Ih Arak Beng That, Kawngsang Ih Thisen An Zohdik Hnuah Rukru Cu An Kai Ngah

Mikeu (Kawngsawng) cu zokhalin an rem lo, rukru khalin an ngaih lemlo. China, Fuzhou khawpi ih inn pakhat ah rukru a lut thup, an inn cu a bauhsiat ih a lut. Inn neitu cu khua dangah khualtlawng in an um.

An thilri bungrua ṭhaṭha a laksak hnuah rawl a suang, arti le noodles a suang ih a ei hnuah a zan cu a riak. A ihnak kiangte ah mikeu sii a vang, vanduai thlak zetin mikeu pahnih in an rak keu ih phar ah a beng that. Khuavang hlanah hlawhtling zetin a tlansuak sal.

Inn neitu an va thleng tikah cun an thilri bungrua a hlo ti an theisuak ih palik hnenah an sim thei, an inn rawng hi an hnih pekte mi a si. Palik pawlin phar ah mikeu thi pahnih an hmu ih inn neitu ih that mi a si lo ti an thei.

Mikeu ih thisen DNA cu an zohdik hnuah tualsung mi rukru Chai cu an kai ngah, Chai hi rukru ṭheu a si ih a hlan khalah palik pawlin an rak kai zo. Mikeu ruangah ni 19 hnuah an va kai ngah thei ih thilruk dang thubuai pathum khal an orhter. Online mipi pawlin, “Mikeu ihsin rukru an zingzoi suak. Mikeu cu an tangkai lo zet ah ka rak ruat ṭheu nan tangkainak cu an rak nei ve thotho si hi” an ti.

Be the first to comment

Leave a Reply

Your email address will not be published.


*