Kayah State Ah NDF Chairman An That

Kayah ramsung ih National Democratic Force (NDF) ih an Chairman U Han Tha cu zo ti theih loin an that. A hlanah NLD party ah aum zo.

Cumi hnuah NDF party ah a lut ih Kayah state ah chairman a ṭuan, 2020 kum hrilawknak khalah a tel. August 13 sun nazi 3:30 ah minung 4 in an inn ah an va lutchilh ih nam in an sat/dawt that.

Amah theitu mino pakhat in “National League for Democracy (NLD) party ah EC member arak ṭuan zo, neta ah NLD party ihsin a suak ti ka thei. Ziangruangah a suak ti cu ka thei lo. 2020 kum hrilawknak ah NDF party aiawh in a tel” a ti.

Kum 70 mi U Han Tha cu amah theitu pawlin hnaṭuan taima zet a si ih NLD party le NDF party ih aum lai khalah hnaṭuan a taima thei zet an ti. An inn ah electronic thilri tuahnak dawr a ong, August 13 sunah minung 4 in TV an tuah duh thu an sim ih cutin an dawt that ti a si.

Be the first to comment

Leave a Reply

Your email address will not be published.


*