Kenya Ram Ah Pacang Pakhat Cu A Fale 3 In An Vuak That

Kenya ram, Shikangania khua ih um pacang kum 56 mi cu a fale pathum in an phone rutu ah puh in an vuak that. Mino pahnih cu high school tlawngkai lai an si ih pakhat cu primary school kailai nauhak te a si.

An unau thum in sumpai an thawhkhawm ih phone thar an lei mi cu a hlo, an phone rutu ah hringtu pa cu an puh ih an vuak that hnuah a ruak cu lamzin kap hramrul lakah an hlon.

Lamzin kap ih mithi ruak cu tlawngta pahnih in an hmu ih midang an sim thei hnuah palik pawlin tualthattu unau thum cu an va kai.

An pi Leonida Keya in, “Vengsung ah mithi aum ih ruak vuinak ah an pa khal ara telve. Hringtu pa an that hnuah an unau thum thawn zanriah kan eitlang ih zianghman an relsuak lo, himi thilthleng ka theih veten ka lau tuk. An nulepa an ṭhenawk hnuah kan hnenah an um ringring ih hringtu pa an that ding ti hi ka zum ban lo” a ti.

Be the first to comment

Leave a Reply

Your email address will not be published.


*