“Khai, Khai… Rammi Sinak Diktak Vekin Meisa Man Pe Cio Uh” A Ti

Myanmar ramsung ah buainak phunphun a thleng ruangah thuneihnak latu ralkap cozah cu sumpai an tlasam tuk zo, curuangah ram mipi pawl ih hlawn thilri an lonsak rero.

Tu’ahcun Covid-19 thlisia in Myanmar ramsung a nuai ciamco sal ih ralkap cozah cu an beidong tuk, mipi thawn tangtlang in Covid-19 lakah hmailaknak neitlang dingin an sawm.

July 12 sunah ralkap aiawh ih thuphuangtu Zaw Min Tun in “Myanmar mipi pawl rammi sinak diktak vekin meisa man pe cio uh, company neitu pawl khal nan hmanmi meisa man cu dik zetin pe uh.

Ṭhenkhat cu meisa man an bakmi pawl an pe duh lo ruangah phuahhlam ding a phunphun an hawl” a ti. Myanmar ramsung buainak cu thla 5 zikte a si zo ih, thla 5 sung hrawng cu ralkap cozah in meisa man an ngah nawn lo.

Ṭhenkhat khua ahcun meisa man pe lo inn cu meisa hri an sah catsak. July 11 sun ah Mandalay ramsung ih meisa man khong rero tu ralkap milai pakhat cu zo ti theih loin an rak kap that ih meisa zung khalah bomb a puak zo.

Be the first to comment

Leave a Reply

Your email address will not be published.


*