Khampat Kiangah An Kapaw

November 2, 2021 zinglam nazi 8:00 hrawngah NKPDF le ZDF pawl an tangtlang ih ralkap pawl hmuak le thlah ṭheutu motor te cu an kap ciamco.

Kalaymyo le Tamu lamzin parih um Kyun Taw Ye Shin le Nang Khauk Khauk khua karlak ih ralkap check-gate ah bomb veithum an puah nan pakhat lawng a puak, a dang pahnih cu a puak lo. Curuangah ralkap pawl phur ṭheutu motor te cu an kap ciamco ih kaphnih kahawknak a thleng.

Khampat ihsin ralkap pawl bawmtu ding ralkap dang an poksuak ruangah mipi kilhimtu pawl cu zohman hliamtuar um loin dung an sip. Neta ih thuthang an theihdan ah ralkap lam pahnih in hliam an tuar ti a si, asinan nenhngetnak ngaingai cu aum hrih lo.

Be the first to comment

Leave a Reply

Your email address will not be published.


*