Khawpi Hminthang A Si, Minung Le An Inn Pawl Teh? Lei Hnuaiah An Um…

Southern Australia ih um Coober Pedy khua ih a hminthannak cu minung pawl lei hnuaiah an khuasa ruangah a si. Leitlun lam ih um pawl vekin ziangkim an nei thluh, biakinn, library, dawr le swimming pool khal an nei.

Minung 3,500 hrawng an um ih an nuamaw thei zet. 19th century ah John McDouall Stuart in himi leiram hi arak hmu hmaisaibik, lung mankhung a tam tuk ruangah 1915 kum ah khawpi an din.

Lung mankhung a phunphun a suak ruangah leitlun ram dangdang ihsin hi tawk hmun ah an feh ih an khuasa lanta. Coober Pedy khua ih cen pawl cu ram 45 ih minung pawl an si.

Cutin an khuasat laiah a hlum thutthi ciamco ruangah buainak an tong. 40 degrees rori in a hlum ih ruah le leivut thlisia khal a hrang leuhleuh ruangah umnak ding a thlak nawn lo an ti.

Markus Hammermeister house

Cutikah, lei hnuai ih khuasat dan ding an tawlrel ih tlunlam ah um nawn loin lei hnuaiah an thawn aw thluh. Leitlun lam ih innsak man thawn an cem zat cu a bangaw hrawng an ti.

Leitlun lam buainak ruah, thlisia, khua hlum le leivut thlisia pawlin an nuai ban nawn lo. Lei hnuai ih a daih lam cu 23 degrees in a dai ringring ruangah nuam an ti zet. Leitlun mipi in an thei vivo ih mikhual khal an nei tam thei zet.

Be the first to comment

Leave a Reply

Your email address will not be published.


*