Khin Hnin Wai A Thinhar

Kum 40 mi Khin Hnin Wai cu Myanmar lemcan thiam hminthang pakhat a si ih hngakṭah pawl a cawm. Nauhak tampi a cawm thanglian ih hngakṭah runinn khal a nei, hngakṭah runinn dang tumpi khal a sak rero lai.

Mipi hrangah oxygen khal a hlu ṭheu. July 17 zan nazi 2:00 ah a nauhak pakhat in a thihsan, mipa nauhak a si ih a suah ihsin a cuap a pawp ih damlonak a neicia.

Khin Hnin Wai in amai fapa si dingin a la ih ṭha zetin a kilkhawi nan July 17 zan ahcun a na nawn loin a thi. Cumi hnuah a nauhak dang pawl khal an damlo celcel ih emergency in siizung ah an lutpi.

Khin Hnin Wai in “Ka fapa, fanu pawl cu emergency in siizung ih an lut ruangah ka thinhar tuk, ka fale kum 7 mi pawl ka seherh tuk. Tulai caan hi paltlang lohli ka duh, ṭha zet ih nauhak pawl rak tuamhlawmtu Yankin Children’s Hospital ih sibawi, nurse pawl par khalah ka lungawi tuk. Thinnau loten ral kan dotlang vivo ding” tin a tarlang.

Be the first to comment

Leave a Reply

Your email address will not be published.


*